ట్రంప్ ‘సూపర్ ఇంటెలిజెన్స్’ పుష్‌కు ఎలాన్ మస్క్ మద్దతు..

అమెరికా అధ్యక్షుడు డొనాల్డ్ ట్రంప్ ప్రతిపాదిస్తున్న “ఆర్టిఫిషియల్ ఇంటెలిజెన్స్” (AI)కు బదులుగా “సూపర్ ఇంటెలిజెన్స్” (SI) అనే పదాన్ని ఉపయోగించాలన్న ఆలోచనకు టెక్ బిలియనీర్ ఎలాన్ మస్క్ మద్దతు తెలిపారు. SpaceXకు చెందిన AI విభాగం SpaceXAI పేరును SpaceXSIగా మార్చనున్నట్లు మస్క్ వెల్లడించారు. అయితే ఈ మార్పుకు సంబంధించి మరిన్ని వివరాలను ఆయన వెల్లడించలేదు. మరోవైపు Nvidia సీఈఓ జెన్సన్ హువాంగ్ కూడా కొత్త పదజాలాన్ని ఉపయోగిస్తూ డేటా సెంటర్లను “సూపర్ ఇంటెలిజెన్స్ ఫ్యాక్టరీలు”గా పిలవాలని సూచించారు. ట్రంప్‌తో టెక్ దిగ్గజాలు, AI పరిశ్రమ ప్రతినిధులు సమావేశమై స్వచ్ఛంద AI భద్రతా ప్రమాణాలపై అంగీకరించిన కొద్ది రోజులకే ఈ పరిణామాలు చోటుచేసుకున్నాయి.

ట్రంప్ “సూపర్ ఇంటెలిజెన్స్” అనే పదం AI సామర్థ్యాలను మరింత ఖచ్చితంగా వివరిస్తుందని చెబుతూ.. అమెరికా ప్రభుత్వ విభాగాలు అధికారిక కమ్యూనికేషన్లలో ఈ పదాన్ని ఉపయోగించాలని కోరుతున్నారు. అయితే పేరు మార్చడం వల్ల AI భద్రత, ప్రజల నమ్మకం వంటి అసలు సమస్యలు పరిష్కారం కావని విమర్శకులు అంటున్నారు. టెక్ రంగంలో సాధారణంగా సూపర్ ఇంటెలిజెన్స్ అంటే మానవుల కంటే దాదాపు అన్ని మేధోపరమైన రంగాల్లో మెరుగైన సామర్థ్యాలు కలిగిన ఊహాత్మక AI వ్యవస్థను సూచిస్తుంది. ప్రస్తుతం ఇలాంటి వ్యవస్థ వాస్తవంగా అందుబాటులో లేదు. దీని వల్ల కలిగే ప్రయోజనాలు, ప్రమాదాలపై నిపుణుల్లో భిన్నాభిప్రాయాలు ఉన్నాయి. Artificial Superintelligence (ASI), Artificial General Intelligence (AGI), Personal Superintelligence వంటి పదాలు కూడా AI చర్చల్లో వినిపిస్తున్నాయి.