

భారత క్రికెట్ దిగ్గజం సచిన్ టెండూల్కర్ మాజీ కెప్టెన్ ఎంఎస్ ధోనీపై భావోద్వేగ సందేశాన్ని పంచుకున్నారు. ధోనీ కెరీర్ ప్రారంభ రోజులను గుర్తుచేసుకుంటూ అతనిలోని అసాధారణ బ్యాటింగ్ ప్రతిభను అప్పుడే గుర్తించినట్లు తెలిపారు. బంగ్లాదేశ్లో ధోనీ బ్యాటింగ్ను చూసినప్పుడు అతని పవర్ హిట్టింగ్ ప్రత్యేకంగా అనిపించిందని, అతనిలో అరుదైన ప్రతిభ ఉందని అప్పట్లో సౌరవ్ గంగూలీతో చెప్పిన విషయాన్ని సచిన్ గుర్తుచేసుకున్నారు.
ధోనీతో కలిసి డ్రెస్సింగ్ రూమ్ను పంచుకోవడం, భారత క్రికెట్లో ఎన్నో మరపురాని విజయాల్లో భాగస్వామిగా ఉండటం తనకు ఎంతో ఆనందాన్ని ఇచ్చిందని సచిన్ పేర్కొన్నారు. ధోనీ కచ్చితంగా గొప్ప విజయాలు సాధిస్తాడని మొదటి నుంచీ నమ్మానని, అయితే అతను తన అంచనాలకు మించి ఎన్నో ఘనతలు సాధించాడని ప్రశంసించారు. భారత క్రికెట్కు ధోనీ తన అత్యుత్తమ ప్రదర్శనను అందించాడని కొనియాడుతూ, అతనితో కలిసి ఈ ప్రయాణంలో భాగం కావడం ఎంతో ప్రత్యేకమని సచిన్ తన సందేశంలో పేర్కొన్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!