తమిళనాడు అసెంబ్లీ ఎలక్షన్... అభ్యర్థుల లిస్ట్ రిలీజ్ చేయనున్న విజయ్

నటుడిగా పేరు సంపాదించిన విజయ్ ఇప్పుడు రాజకీయాల్లో కూడా చురుకుగా ముందుకు సాగుతున్నారు. రాబోయే తమిళనాడు అసెంబ్లీ ఎన్నికల నేపథ్యంలో ఆయన పార్టీ టీవీకే కీలక సమావేశాన్ని ఈ నెల 27న మహాబలిపురంలో  నిర్వహించనుంది. ఈ సమావేశంలో ఎన్నికలకు సంబంధించిన ముఖ్యమైన నిర్ణయాలు తీసుకునే అవకాశం ఉంది.

ఈ సందర్భంగా టీవీకే పార్టీ తరఫున పోటీ చేసే సుమారు 110 మంది అభ్యర్థుల జాబితాను విజయ్ ప్రకటించనున్నట్లు సమాచారం. తమిళనాడు అసెంబ్లీ ఎన్నికల దృష్ట్యా ఇది పార్టీకి కీలకమైన అడుగుగా భావిస్తున్నారు.

అలాగే విజయ్ స్వయంగా రెండు నియోజకవర్గాల నుంచి పోటీ చేయాలనే ఆలోచనలో ఉన్నట్లు రాజకీయ వర్గాల్లో చర్చ జరుగుతోంది. చెన్నైతో పాటు మధురై నుంచి కూడా ఆయన పోటీ చేసే అవకాశం ఉందని సమాచారం. ఇది జరిగితే తమిళనాడు రాజకీయాల్లో పెద్ద చర్చకు దారితీసే అవకాశముంది.