

ఎన్నికల్లో పోటీ చేసేందుకు మాత్రమే నేర నిర్ధారణపై స్టే ఇవ్వలేమని సుప్రీంకోర్టు స్పష్టం చేసింది. కన్విక్షన్పై స్టే అనేది సాధారణ హక్కు కాదని, అసాధారణ పరిస్థితుల్లో మాత్రమే అలాంటి అవకాశం ఉంటుందని ధర్మాసనం వ్యాఖ్యానించింది. నేరస్థులు రాజకీయాల్లో కొనసాగడాన్ని తేలికగా తీసుకోలేమని అభిప్రాయపడింది. సమాజ్వాదీ పార్టీ సీనియర్ నేత ఆజంఖాన్కు విధించిన శిక్షపై గతంలో ఇచ్చిన స్టేను రద్దు చేయాలని ఉత్తరప్రదేశ్ ప్రభుత్వం దాఖలు చేసిన అప్పీల్పై విచారణ సందర్భంగా ఈ వ్యాఖ్యలు చేసింది. కేవలం ఎన్నికల్లో పోటీ చేయాలనే కారణంతో శిక్షపై స్టే కోరడం సమర్థనీయం కాదని కోర్టు అభిప్రాయపడింది.
అయితే, ఆజంఖాన్ శిక్షపై స్టేను రద్దు చేయాలంటూ ఉత్తరప్రదేశ్ ప్రభుత్వం దాఖలు చేసిన అప్పీల్ను సుప్రీంకోర్టు కొట్టివేసింది. ఇదే సమయంలో తజీన్ ఫాత్మా, అబ్దుల్లా ఆజంఖాన్ల శిక్షలపైనా స్టే విధిస్తూ వారికి ఊరట కల్పించింది. ఈ పరిణామంతో ఎన్నికల్లో పోటీ చేసే రాజకీయ నాయకులపై ఉన్న నేరారోపణలు, శిక్షలు, వారి రాజకీయ భవిష్యత్తుకు సంబంధించిన అంశాలు మరోసారి చర్చనీయాంశంగా మారాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!