రాహుల్‌ గాంధీపై హిమంత బిశ్వ శర్మ ఘాటు వ్యాఖ్యలు

అసోం ముఖ్యమంత్రి హిమంత బిశ్వ శర్మ కాంగ్రెస్‌ నేత రాహుల్‌ గాంధీపై తీవ్ర వ్యక్తిగత విమర్శలు చేశారు. రాహుల్‌ గాంధీని ఉద్దేశించి ఆయన తీవ్ర వ్యాఖ్యలు చేస్తూ “రాహుల్‌ గాంధీ పిచ్చివాడు, అలాగే కొనసాగుతాడు” అని అన్నారు. దీంతో బీజేపీ, కాంగ్రెస్‌ మధ్య రాజకీయ వాగ్వాదం మరింత ముదిరింది.

ఇరుపార్టీల నేతలు పరస్పరం తీవ్ర వ్యక్తిగత, రాజకీయ విమర్శలు చేసుకుంటున్న నేపథ్యంలో హిమంత బిశ్వ శర్మ తాజా వ్యాఖ్యలు మరోసారి రాజకీయ వేడిని పెంచాయి. ఈ వ్యాఖ్యలతో బీజేపీ, కాంగ్రెస్‌ మధ్య కొనసాగుతున్న మాటల యుద్ధం మరింత తీవ్రతరమైంది.