తనను కలవాలన్న 90 ఏళ్ల వృద్ధురాలి ఆకాంక్ష నెరవేర్చిన సీఎం చంద్రబాబు

తనను కలవాలన్న 90 ఏళ్ల వృద్ధురాలి ఆకాంక్షను ఆంధ్రప్రదేశ్ ముఖ్యమంత్రి చంద్రబాబు నాయుడు నెరవేర్చారు. చీరాలకు చెందిన పుష్పావతి అనే వృద్ధురాలు సీఎంతో కలిసి ఫోటో దిగాలని కోరుకుంటున్నట్లు వ్యక్తం చేయగా, ఈ విషయం సీఎం దృష్టికి వచ్చింది. దీంతో చీరాలలోనే ఆమెను కలుస్తానని చంద్రబాబు తెలిపారు.

అనంతరం చీరాలలో పుష్పావతిని ఆప్యాయంగా కలిసిన సీఎం చంద్రబాబు ఆమెతో మాట్లాడి ఫోటో దిగారు. ఈ సందర్భంగా శ్రీకాకుళం జిల్లా ఎచ్చెర్లకు చెందిన చేనేత కుటుంబం నాగేశ్వరరావు, లక్ష్మీ దంపతులను కూడా కలిశారు. మగ్గంతో వస్త్రంపై తన చిత్రపటాన్ని అద్భుతంగా నేసిన ఈ దంపతుల నైపుణ్యాన్ని సీఎం ప్రశంసించి అభినందనలు తెలిపారు.