దసరా మహోత్సవాలకు.. ఇంద్రకీలాద్రి ఘాట్‌ రోడ్‌లో కీలక మార్పు

దసరా మహోత్సవాలకు విజయవాడ ఇంద్రకీలాద్రి సిద్ధమవుతోంది. భక్తులకు మెరుగైన సౌకర్యాలు కల్పించడంతో పాటు రాకపోకలకు ఎలాంటి ఇబ్బందులు లేకుండా అధికారులు ఏర్పాట్లు చేస్తున్నారు. ఇందులో భాగంగా ఇంద్రకీలాద్రి ఘాట్‌ రోడ్‌లో మరమ్మతు పనులు చేపట్టనున్నారు. ఈ నేపథ్యంలో ఈ నెల 22వ తేదీ నుంచి వారం రోజుల పాటు ఘాట్‌ రోడ్‌ను పూర్తిగా మూసివేయాలని అధికారులు నిర్ణయించారు.

ఘాట్‌ రోడ్‌ మూసివేత సమయంలో భక్తులు కనకదుర్గానగర్‌ మార్గం ద్వారా అమ్మవారి ఆలయానికి చేరుకోవాలని అధికారులు సూచించారు. వాహనాల్లో వచ్చే భక్తులు ప్రత్యామ్నాయ పార్కింగ్‌ ప్రదేశాలను వినియోగించుకోవాలని కోరారు. దసరా మహోత్సవాల సందర్భంగా భారీగా భక్తులు తరలివచ్చే అవకాశం ఉండటంతో ముందస్తు ఏర్పాట్లలో భాగంగా ఈ నిర్ణయం తీసుకున్నట్లు అధికారులు తెలిపారు.