శబరిమలలో ఆరవణ ప్రసాదం కొరత.. అసలు కారణం ఇదే!

శబరిమలలో ప్రధాన ప్రసాదంగా అందించే ఆరవణ పాయసం కొరతపై కేరళ ప్రభుత్వం, ట్రావెన్‌కోర్‌ దేవస్వం బోర్డు మధ్య విభేదాలు తలెత్తాయి. ప్రస్తుతం ఒక్కో భక్తుడికి ఒక టిన్‌ ఆరవణ మాత్రమే విక్రయించేలా పరిమితి విధించారు. దీనిపై దేవస్వం మంత్రి కే. మురళీధరన్‌ అసంతృప్తి వ్యక్తం చేశారు. ఆలయం తెరిచి ఉన్న సమయంలో భక్తులకు ప్రసాదం అందుబాటులో ఉండాల్సిన బాధ్యత దేవస్వం బోర్డుదేనని ఆయన పేర్కొన్నారు.

మండల-మకరవిళక్కు యాత్రా కాలానికి ముందు ఆరవణ తయారీ కేంద్రం సామర్థ్యాన్ని రోజుకు సుమారు 2.5 లక్షల టిన్ల నుంచి 3.5 లక్షల టిన్లకు పెంచేందుకు 45 రోజులపాటు పనులు చేపట్టినట్లు బోర్డు తెలిపింది. యాత్రా కాలంలో రోజువారీ డిమాండ్ 4 నుంచి 4.5 లక్షల టిన్లకు చేరే అవకాశం ఉందని పేర్కొంది. అయితే ఆలయం మూసివేసిన సమయంలో పనులు చేపట్టాల్సిందని మంత్రి అభిప్రాయపడ్డారు. ఈ అంశంపై ముఖ్యమంత్రి వి.డి. సతీశన్‌తో చర్చించి, అవసరమైతే హైకోర్టు దృష్టికి తీసుకెళ్లడంతో పాటు యాత్రా కాలం పర్యవేక్షణకు ప్రత్యేక బృందం ఏర్పాటు చేసే అంశాన్ని పరిశీలిస్తామని తెలిపారు.