ఇరాన్‌కు రష్యా నిఘా సహాయం…జెలెన్స్కీ ఆరోపణలు

వోలోడిమిర్ జెలెన్స్కీ రష్యా మధ్యప్రాచ్యంలో అస్థిరత సృష్టించడానికి ఇరాన్ కు నిఘా సహాయం అందిస్తున్నదని తీవ్ర ఆరోపణలు చేశారు. రష్యా తన నిఘా వ్యవస్థల ద్వారా సేకరించిన కీలక సమాచారాన్ని ఇరాన్‌కు అందిస్తున్నదని, దీనికి సంబంధించి తమ వద్ద పక్కా ఆధారాలు ఉన్నాయని తెలిపారు. అమెరికా మరియు ఇజ్రాయెల్‌తో కొనసాగుతున్న యుద్ధ పరిస్థితుల్లో ఈ సమాచారం ఇరాన్‌కు కీలకంగా మారుతోందని ఆయన పేర్కొన్నారు.

ఈ సహకారం సాధారణ సంబంధం కాదని, ప్రపంచ భద్రతకు ముప్పుగా మారే ప్రమాదకర చర్య అనిజెలెన్స్కీ అభివర్ణించారు. రష్యా-ఉక్రెయిన్ యుద్ధంలో ఇరాన్ తయారు చేసిన డ్రోన్ల వినియోగానికి ప్రతిఫలంగా, రష్యా ఇప్పుడు ఇరాన్‌కు అత్యాధునిక నిఘా సమాచారం మరియు ఉపగ్రహ చిత్రాలను అందిస్తున్నదని నివేదికలు సూచిస్తున్నాయి. ఈ పరిణామాల నేపథ్యంలో ప్రపంచ దేశాలు వెంటనే స్పందించి ఈ అక్రమ సహకారాన్ని అడ్డుకోవాలని ఉక్రెయిన్ కోరుతోంది.