ఇరుముడి మ్యూజిక్‌పై హైప్ పెంచిన జి.వి. ప్రకాష్ కామెంట్స్

మాస్ మహారాజా రవితేజ నటిస్తున్న చిత్రం 'ఇరుముడి' షూటింగ్ వేగంగా కొనసాగుతోంది. భక్తి అంశాలతో పాటు కమర్షియల్ హంగులతో రూపొందుతున్న ఈ సినిమాపై ఇప్పటికే మంచి బజ్ ఏర్పడింది.

ఈ సినిమాకు సంగీతం అందిస్తున్న జి.వి. ప్రకాష్ కుమార్ తాజాగా మ్యూజిక్‌పై కీలక అప్డేట్ ఇచ్చారు. ప్రముఖ అయ్యప్ప భజన పాట ‘విల్లాలి వీరుడు...వీర మణికంఠుడు’ను శక్తివంతమైన రూపంలో సినిమాలో ఉంచే అవకాశం ఉందని ఆయన హింట్ ఇచ్చారు. ఆ పాటకు భారీ డిమాండ్ ఉందని, దర్శక నిర్మాతలు అంగీకరిస్తే తప్పకుండా పెట్టనున్నామని ఆయన తెలిపారు.