ఎప్‌స్టీన్ ఫైల్స్‌లో ‘వైల్డ్ డిన్నర్’ లో మస్క్, జుకర్‌బర్గ్

అమెరికాను కుదిపేసిన జెఫ్రీ ఎప్‌స్టీన్ సెక్స్ కుంభకోణానికి సంబంధించి మరిన్ని షాకింగ్ అంశాలు వెలుగులోకి వచ్చాయి. యూఎస్ ప్రభుత్వం తాజాగా విడుదల చేసిన ఫైళ్లలో ‘వైల్డ్ డిన్నర్’ కు సంబంధించిన వివరాలు ప్రాధాన్యతను సంతరించుకున్నాయి.

ఈ డాక్యుమెంట్ల ప్రకారం, ప్రపంచ కుబేరుడు ఎలాన్ మస్క్, మెటా అధినేత మార్క్ జుకర్‌బర్గ్, లింక్డ్‌ఇన్ సహ వ్యవస్థాపకుడు రీడ్ హాఫ్‌మన్, పేపాల్ సహ వ్యవస్థాపకుడు పీటర్ థీల్ వంటి ప్రముఖులు ఎప్‌స్టీన్‌తో విందులో పాల్గొన్నట్లు పేర్కొన్నారు. ఈ వివరాలు బయటకు రావడంతో ఎప్‌స్టీన్‌కు ఉన్న ఉన్నతస్థాయి సంబంధాలపై మరోసారి చర్చ మొదలైంది.