వైకుంఠ ద్వార దర్శనాలకు తిరుమల ముస్తాబు, భక్తుల రద్దీ

వైకుంఠ ద్వార దర్శనాలకు తిరుమల ఆలయం సర్వాంగ సుందరంగా ముస్తాబైంది. 2025 డిసెంబర్ 30 వ తేదీ తెల్లవారుజామున తిరుమల శ్రీ వెంకటేశ్వర స్వామి ఆలయంలోని వైకుంఠ ద్వారాలు తెరుచుకోనున్నాయి. ఈ పవిత్ర ఘట్టానికి తిరుమల తిరుపతి దేవస్థానం విస్తృత ఏర్పాట్లు చేపట్టింది. రాత్రి 1:30 గంటల నుంచి ప్రొటోకాల్ వీఐపీలకు దర్శనం కల్పించనున్నారు.

డిసెంబర్ 30 నుంచి 2026 జనవరి 8 వ తేదీ వరకు భక్తులకు వైకుంఠ ద్వార దర్శనాలు కొనసాగనున్నాయి. ఇప్పటికే తిరుమల కొండ భక్తులతో కిటకిటలాడుతోంది. భక్తులకు ఎలాంటి అసౌకర్యం కలగకుండా భద్రత, రద్దీ నియంత్రణ, దర్శన ఏర్పాట్లను టీటీడీ మరింత కట్టుదిట్టం చేసింది. ఆధ్యాత్మిక వాతావరణంతో తిరుమల నిండిపోతోంది.