కర్నూలు జిల్లాలో ఘోర రోడ్డు ప్రమాదం.. నష్టపరిహారం ప్రకటించిన ప్రధాని

నరేంద్ర మోదీ కర్నూలు జిల్లాలోని మంత్రాలయం సమీపంలో జరిగిన ఘోర రోడ్డు ప్రమాదంపై తీవ్ర దిగ్భ్రాంతి వ్యక్తం చేశారు. మృతుల కుటుంబాలకు రూ.2 లక్షలు, క్షతగాత్రులకు రూ.50 వేల చొప్పున నష్టపరిహారం ప్రకటించారు. ఈ సాయం ప్రధానమంత్రి జాతీయ సహాయ నిధి నుంచి అందజేస్తున్నట్లు తెలిపారు.

కర్ణాటక నుంచి శ్రీ రాఘవేంద్ర స్వామి ఆలయం దర్శనానికి వెళ్తున్న భక్తుల బొలెరో వాహనం ట్యాంకర్‌ను ఢీకొనడంతో ఈ ప్రమాదం జరిగింది. ఈ ఘటనలో ఎనిమిది మంది మృతి చెందగా, 13 మంది గాయపడ్డారు. క్షతగాత్రులను ఎమ్మిగనూరు ఆసుపత్రికి తరలించి, అనంతరం కర్నూలు ప్రభుత్వాసుపత్రిలో చికిత్స అందిస్తున్నారు. జిల్లా కలెక్టర్ సిరి బాధితులను పరామర్శించి, కొందరి పరిస్థితి విషమంగా ఉన్నట్లు తెలిపారు.