మంత్రాలయం సమీపంలో దారుణ ప్రమాదం

కర్నూలు జిల్లాలో ఘోర రోడ్డు ప్రమాదం చోటుచేసుకుంది. మంత్రాలయం మండలం చిలకలడోన సమీపంలో బొలెరో వాహనం, లారీ ఢీకొన్నాయి. ఈ ప్రమాదంలో ఐదుగురు అక్కడికక్కడే మృతి చెందగా, 11 మంది గాయపడ్డారు. ఢీకొన్న ప్రభావం తీవ్రంగా ఉండటంతో భారీ ప్రాణ నష్టం జరిగింది.

ప్రమాదం సమాచారం అందుకున్న పోలీసులు వెంటనే ఘటనాస్థలికి చేరుకుని సహాయక చర్యలు చేపట్టారు. గాయపడిన వారిని సమీప ఆస్పత్రికి తరలించి చికిత్స అందిస్తున్నారు. ప్రమాదానికి గల కారణాలపై పోలీసులు దర్యాప్తు చేపట్టారు. మృతుల గుర్తింపు, బాధిత కుటుంబాలకు సహాయం అందించేందుకు అధికారులు చర్యలు తీసుకుంటున్నారు.