హరీష్ శంకర్ తదుపరి చిత్రం ఆ హీరోతోనేనా?

దర్శకుడు హరీష్ శంకర్ ఒకప్పుడు భారీ కమర్షియల్ విజయాలను అందించిన డైరెక్టర్‌గా పేరు సంపాదించాడు. గబ్బర్ సింగ్, దువ్వాడ జగన్నాథం వంటి సినిమాలతో మంచి పేరు తెచ్చుకున్నాడు. కానీ ఇటీవల వచ్చిన సినిమాలు యువ ప్రేక్షకులను ఆకట్టుకోలేకపోయాయి. ముఖ్యంగా మిస్టర్ బచ్చన్ తర్వాత ఆయన స్టైల్ కాలానికి తగ్గట్టు మారలేదని విమర్శలు వచ్చాయి.

హిందీ సినిమా రైడ్, తమిళ సినిమా తేరి కథలను మార్చి తీసిన సినిమాలు ఆశించిన ఫలితాలు ఇవ్వలేదు. పవన్ కళ్యాణ్‌తో చేసిన ఉస్తాద్ భగత్ సింగ్ కూడా పెద్దగా సక్సెస్ కాలేకపోయింది. కొత్త తరానికి నచ్చే విధంగా మారాల్సిన అవసరం ఉన్నప్పటికీ పాత తరహా కమర్షియల్ స్టైల్‌ను కొనసాగించడం ఆయనకు నష్టంగా మారింది.

ఇప్పుడు హరీష్ శంకర్ మళ్లీ కం బ్యాక్ కోసం ప్రయత్నిస్తున్నాడు. కొన్ని నిర్మాణ సంస్థల నుండి అడ్వాన్స్‌లు కూడా తీసుకున్నాడు. మొదట బాలకృష్ణతో సినిమా చేయాలని అనుకున్నా అది జరగలేదు. ప్రస్తుతం నితిన్‌తో సినిమా చేసే అవకాశాలు కనిపిస్తున్నాయి. ఇటీవల నితిన్‌కు కథ చెప్పగా అది నచ్చినట్టు సమాచారం. ఈ సినిమా ద్వారా అయినా హరీష్ శంకర్ మళ్లీ విజయాన్ని అందుకుంటాడా అన్నది చూడాలి.