సంక్రాంతి కి ట్రాఫిక్ ఊరట.. కాజ–గొల్లపూడి మధ్య వెస్ట్ బైపాస్‌

సంక్రాంతి పండుగను దృష్టిలో పెట్టుకుని విజయవాడ వెస్ట్ బైపాస్‌లో కాజ నుంచి గొల్లపూడి వరకు ఒకవైపు మార్గాన్ని వాహనాలకు తెరవనున్నారు. తొలుత కార్లు, ద్విచక్ర వాహనాలకు మాత్రమే అనుమతి ఇస్తారు. దీని వల్ల గుంటూరు వైపు నుంచి వచ్చే వాహనాలు విజయవాడ నగరంలోకి వెళ్లకుండా నేరుగా గొల్లపూడి, అక్కడి నుంచి చిన్నఅవుటపల్లి మీదుగా ఏలూరు లేదా హైదరాబాద్ వైపు వెళ్లే అవకాశం ఉంటుంది.

ఈ ఏర్పాట్లను ఎన్‌హెచ్‌ఏఐ అధికారులు సంక్రాంతి నాటికి పూర్తి చేయనున్నారు. ప్రస్తుతం గొల్లపూడి–చిన్నఅవుటపల్లి మార్గం పూర్తిగా అందుబాటులో ఉండగా, కాజ–గొల్లపూడి మధ్య భాగాన్ని ప్రయోగాత్మకంగా ఒకవైపు మాత్రమే తెరవనున్నారు. మార్చి చివరికి పనులు పూర్తిచేసి, ఏప్రిల్ 1 నుంచి వెస్ట్ బైపాస్‌ను పూర్తిస్థాయిలో రాకపోకలకు అందుబాటులోకి తీసుకురానున్నారు.