హిందూపూర్‌,అనంతపూర్‌ వాసులకు ప్రత్యేక రైళ్లు పొడిగింపు

హిందూపూర్‌, ధర్మవరం, అనంతపూర్‌, గుంటకల్‌ వాసులకు రైల్వే శాఖ మంచి వార్త చెప్పింది. ప్రయాణికుల డిమాండ్‌ మేరకు ఎస్‌ఎంవీటీ బెంగళూరు-బీదర్‌ మధ్య నడిచే ప్రత్యేక రైళ్లను ఫిబ్రవరి నెలాఖరు వరకు పొడిగించారు.

ఫిబ్రవరి 2 నుంచి 27 వరకు ఎస్‌ఎంవీటీ బెంగళూరు-బీదర్‌(06539) మధ్య 17 ప్రత్యేక ట్రిప్పులు, ఫిబ్రవరి 3 నుంచి 28 వరకు బీదర్‌-ఎస్ఎంవీటీ బెంగళూరు(06540) మధ్య 17 ప్రత్యేక ట్రిప్పులు నడపబడతాయి.

ఈ రైళ్లు యెల్హంక, హిందూపూర్‌, ధర్మవరం, అనంతపూర్‌, గుంటకల్‌, ఆదోని, మంత్రాలయం రోడ్‌, రాయచూర్‌, కృష్ణా, యాద్గిర్‌, వాడి, షాహబాద్‌, కలబురిగి, హమ్నాబాద్‌ స్టేషన్‌ల వద్ద ఆగుతాయని దక్షిణ మధ్య రైల్వే(South Central Railway) అధికారులు విడుదల చేసిన ఒక ప్రకటనలో తెలియజేశారు.