పసుపు అరటితో పోలిస్తే ఎర్ర అరటిపండ్లు మంచివేనా?: డాక్టర్లు

అరటిపండ్లు ఆరోగ్యానికి ఎంతో మేలు చేస్తాయి. శరీరానికి తక్షణ శక్తిని అందించడమే కాకుండా, తీపి తినాలనే కోరికను తగ్గించడంలో కూడా ఇవి సహాయపడతాయి. సాధారణంగా మనం పసుపు లేదా పచ్చి అరటిపండ్లను ఎక్కువగా తింటాము, కానీ ఎర్ర అరటిపండ్లు కూడా అధిక పోషక విలువలు కలిగినవని నిపుణులు చెబుతున్నారు. ఇవి ప్రధానంగా ఆస్ట్రేలియా, వెస్ట్ ఇండీస్, మెక్సికో, యునైటెడ్ స్టేట్స్ వంటి దేశాల్లో పండుతాయి. ప్రస్తుతం భారతదేశంలో కూడా వీటి సాగు ప్రారంభమవడంతో, క్రమంగా మార్కెట్లలో అందుబాటులోకి వస్తున్నాయి.

ఎర్ర అరటిపండ్లలో కెరోటినాయిడ్లు, విటమిన్ సి, ఆంథోసయనిన్‌ల వంటి శక్తివంతమైన యాంటీఆక్సిడెంట్లు పుష్కలంగా ఉంటాయి. ఇవి శరీరంలోని కణాలను రక్షించి ఆరోగ్యాన్ని మెరుగుపరుస్తాయి. ఇందులో విటమిన్ ఎ, కెరోటినాయిడ్లు అధికంగా ఉండటం వల్ల కంటి ఆరోగ్యానికి మేలు చేసి దృష్టిని మెరుగుపరుస్తాయి. అలాగే మెగ్నీషియం, పొటాషియం ఉండటం వల్ల రక్తపోటును నియంత్రించడంలో సహాయపడతాయి, దీంతో గుండె సంబంధిత సమస్యల ప్రమాదం తగ్గుతుంది. జీర్ణక్రియను మెరుగుపరచి మలబద్ధకం వంటి సమస్యల నుండి ఉపశమనం కలిగిస్తాయి. పేగుల వాపును తగ్గించి జీర్ణ వ్యవస్థను బలపరచడమే కాకుండా, శరీర రోగనిరోధక శక్తిని పెంచి ఇన్ఫెక్షన్ల నుంచి రక్షణ కల్పిస్తాయి.

గమనిక : ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది.