శబరిమల ఆలయం మూసివేత.. రీఓపెన్ ఎప్పుడంటే?

శబరిమల అయ్యప్ప స్వామి ఆలయంలో పవిత్ర మండల పూజా కాలం ముగిసింది. శనివారం రాత్రి 10 గంటలకు హరివరాసనం పాడిన అనంతరం ఆలయాన్ని మూసివేసినట్లు ట్రావెన్కోర్ దేవస్వం బోర్డు (TDB) వెల్లడించింది. మండల పూజ పూర్తితో ఈ ఏడాది దర్శనాల ప్రక్రియకు తాత్కాలికంగా ముగింపు పలికారు.

మకరవిళక్కు మహోత్సవం సందర్భంగా శబరిమల ఆలయాన్ని ఈ నెల 30వ తేదీ సాయంత్రం 5 గంటలకు తిరిగి తెరవనున్నట్లు అధికారులు తెలిపారు. ఈ మండల–మకరవిళక్కు సీజన్‌లో ఇప్పటివరకు సుమారు 30 లక్షల మంది భక్తులు అయ్యప్ప స్వామిని దర్శించుకోగా, ఆలయానికి రూ.333 కోట్ల ఆదాయం వచ్చినట్లు ట్రావెన్కోర్ దేవస్వం బోర్డు ప్రకటించింది.