మృణాల్ ఠాకూర్ రొమాంటిక్ డ్రామా ఓటీటీలోకి.. స్ట్రీమింగ్ ఎక్కడంటే?

ఓటీటీలో కొత్త సినిమాలు తరచూ వస్తూనే ఉంటాయి. ఇప్పుడు మృణాల్ ఠాకూర్ నటించిన ఒక రొమాంటిక్ కథా చిత్రం ప్రసారానికి సిద్ధమైంది. ఆమె నటించిన మరో చిత్రం థియేటర్లలో నడుస్తుండగా, ఈ కొత్త సినిమా డిజిటల్ ప్రేక్షకులను అలరించేందుకు వస్తోంది. “దో దివానే షెహర్ మే” అనే ఈ చిత్రంలో సిద్ధాంత్ చతుర్వేది హీరోగా నటించారు. ఫిబ్రవరిలో విడుదలైన ఈ చిత్రం సాధారణ స్పందన పొందింది. ఇప్పుడు ఈ చిత్రం ఈ నెల 17 నుండి నెట్ ఫ్లిక్స్ లో ప్రసారం కానుంది.

దో దివానే షెహర్ మే సినిమా విషయానికొస్తే.. శ అనే అక్షరం సరిగా పలకడం రాని శశాంక్ (సిద్ధాంత్ చతుర్వేది) ఓ కంపెనీలో పనిచేస్తుంటాడు. మరోవైపు పెద్దపెద్ద కళ్లద్దాలు పెట్టుకుని తానేం అందంగా లేనని భావించే రోష్ని(మృణాల్ ఠాకుర్).. పెద్దల కుదిర్చిన పెళ్లిచూపుల ద్వారా కలుసుకుంటారు. మొదట శశాంక్‌ని రిజెక్ట్ చేసిన రోష్ని తర్వాత అతడితోనే ఎలా ప్రేమలో పడింది? చివరకు ఏమైందనేదే మిగతా స్టోరీ.

ప్రస్తుత జెన్-జీ జనరేషన్‌కి తగ్గట్లుగా తీసిన ఈ సినిమాలో స్టోరీ బాగున్నప్పటికీ స్క్రీన్ ప్లేలో లోపాల కారణంగా ఓకే ఓకే అనిపించుకుంది. అయితే ఓటీటీలో హిందీలో మాత్రమే అందుబాటులోకి రానుంది.