తెలంగాణలో పెట్రోల్, డీజిల్ కొరత లేదు - పౌర సరఫరాల శాఖ

తెలంగాణ రాష్ట్రంలో పెట్రోల్, డీజిల్, వంటగ్యాస్ కొరత లేదని పౌర సరఫరాల శాఖ స్పష్టం చేసింది. ఈ రోజు విడుదల చేసిన ప్రకటనలో అధికారులు తగినంత నిల్వలు ఉన్నాయని పేర్కొంటూ, ప్రజలు ఎటువంటి అపోహలకు గురికావద్దని సూచించారు.

రోజుకు సుమారు 9,574 కిలోలీటర్ల పెట్రోల్, 14,457 కిలోలీటర్ల డీజిల్ కలిపి మొత్తం 24 వేల కిలోలీటర్లకు పైగా ఇంధనం బంకుల ద్వారా సరఫరా చేస్తున్నట్లు తెలిపారు. అలాగే రోజుకు 2 లక్షల 22 వేలకుపైగా వంటగ్యాస్ సిలిండర్లు వినియోగదారులకు అందిస్తున్నట్లు వెల్లడించారు. ఇంధన సరఫరా, గ్యాస్ పంపిణీపై సందేహాల కోసం టోల్ ఫ్రీ నంబర్ 1967 ను సంప్రదించాలని కోరారు.