నేడు దేశవ్యాప్తంగా సార్వత్రిక సమ్మె..

కేంద్ర ప్రభుత్వం అమలు చేయనున్న నాలుగు లేబర్ కోడ్‌లకు వ్యతిరేకంగా వామపక్ష కార్మిక, రైతు సంఘాలు నేడు దేశవ్యాప్తంగా సార్వత్రిక సమ్మెకు పిలుపునిచ్చాయి. విద్యుత్ బిల్లు-2025, విత్తన బిల్లు-2025, వీబీ-జీ రామ్ జీ - 2025లను రద్దు చేయాలని, పాత పెన్షన్ పథకాన్ని పునరుద్ధరించాలని, సీమ్ వర్కర్లు సహా అన్ని కార్మికులకు కనీస వేతనాలు అమలు చేయాలని ప్రధాన డిమాండ్లుగా ప్రకటించారు.

కేంద్ర కార్మిక సంఘాలు, వామపక్ష పార్టీల ఆధ్వర్యంలో వేలాది మంది కార్మికులు సమ్మెలో పాల్గొననున్నారు. ఈ నిరసన కార్యక్రమాల్లో ట్రేడ్ యూనియన్ కార్మికులతో కలిసి పాల్గొనాలని సంయుక్త కిసాన్ మోర్చా (ఎస్‌కేఎం) రైతులకు విజ్ఞప్తి చేసింది. దేశవ్యాప్తంగా వివిధ ప్రాంతాల్లో ర్యాలీలు, ధర్నాలు, ఆందోళనలు నిర్వహించేందుకు ఏర్పాట్లు పూర్తి అయ్యాయి.