హైదరాబాద్ బాచుపల్లిలో భారీ అగ్ని ప్రమాదం

బాచుపల్లి సమీపంలో రోడ్డు పక్కన ఉన్న ఫర్నిచర్ షాపులో చెలరేగిన మంటలు భారీ అగ్నిప్రమాదానికి దారితీశాయి. ఫుట్‌పాత్‌పై ఉన్న షాపులకు ఒక్కొక్కటిగా మంటలు వ్యాపించి మొత్తం 50 షాపులను కబళించాయి. ఈ ఘటనలో సుమారు రూ. కోటి విలువైన ఫర్నిచర్ పూర్తిగా దగ్ధమైంది.

సమాచారం అందుకున్న అగ్నిమాపక సిబ్బంది 10 ఫైర్ ఇంజిన్లతో తీవ్రంగా శ్రమించి మంటలను అదుపులోకి తీసుకొచ్చారు. తమ జీవనాధారం కోల్పోయామని చిన్న వ్యాపారులు ఆవేదన వ్యక్తం చేస్తూ కన్నీరుమున్నీరయ్యారు.