'జన నాయగన్' లీక్ వివాదం...కోలీవుడ్‌లో ఆందోళన

జన నాయగన్ సినిమా లీక్ కేసులో ఎడిటర్ ప్రదీప్ ఈ రాఘవ్‌ను సదరన్ ఇండియా ఫిల్మ్ ఎడిటర్స్ అసోసియేషన్ కొంతకాలం పాటు సస్పెండ్ చేసింది. ఈ చిత్రానికి సంబంధించిన కొన్ని సన్నివేశాలు ఆన్‌లైన్‌లో బయటకు రావడంతో ఈ చర్య తీసుకుంది. చెన్నై సైబర్ క్రైమ్ విభాగం తెలిపిన వివరాల ప్రకారం, ఓ ఫ్రీలాన్స్ సహాయక ఎడిటర్ అనుమతి లేకుండా ఎడిటింగ్ గదిలోకి ప్రవేశించి ఫుటేజీని చోరీ చేసినట్లు వెల్లడైంది.

ఈ ఘటనలో ప్రదీప్ నిర్లక్ష్యం కూడా కారణమని భావించిన అసోసియేషన్ ఆయనపై సస్పెన్షన్ విధించింది. ప్రముఖ నటుడు విజయ్ హీరోగా తెరకెక్కిన ఈ సినిమా లీక్ కారణంగా చిత్రబృందం మరియు కోలీవుడ్ పరిశ్రమ ఆందోళనకు గురయ్యాయి. ఈ కేసులో ప్రధాన నిందితులను ఇప్పటికే పోలీసులు అరెస్ట్ చేశారు. జనవరిలో విడుదల కావాల్సిన ఈ సినిమా ఇప్పటికీ వాయిదా పడుతూ వస్తోంది.