ధనుష్ ‘కర’ సినిమా టీజర్ రిలీజ్...

కోలీవుడ్ వెర్సటైల్ స్టార్ ధనుష్ హీరోగా నటిస్తున్న ‘కర’ సినిమా టీజర్‌ను మేకర్స్ విడుదల చేశారు. విఘ్నేశ్ రాజా దర్శకత్వంలో డా. ఇషారి కె. గణేష్ నిర్మించిన ఈ సినిమా ఈ నెల30 న తెలుగు రాష్ట్రాల్లో విడుదల కానుంది. విఘ్నేశ్వర ఎంటర్టైన్మెంట్స్, ఆర్ స్టార్ లాజిస్టిక్స్ బ్యానర్లపై సిహెచ్ సతీష్ కుమార్, రాజేష్ కుమార్ బొబ్బర ఈ సినిమాను రిలీజ్ చేస్తున్నారు.

తాజాగా విడుదలైన టీజర్‌లో ధనుష్ పాత్రలో అనేక వేరియేషన్లు కనిపించాయి. సమస్యలను ఎదుర్కొనే యువకుడిగా, అలాగే భావోద్వేగాలతో కూడిన పరిణితి చెందిన పాత్రలో ఆయన ఆకట్టుకున్నారు. ధనుష్ తనదైన శైలిలో పాత్రలో ఒదిగిపోయినట్టు టీజర్ ద్వారా స్పష్టమవుతోంది. మమితా బైజు హీరోయిన్‌గా నటిస్తుండగా, జి.వి. ప్రకాష్ కుమార్ సంగీతం అందిస్తున్నారు. త్వరలోనే ట్రైలర్ విడుదల చేయడానికి మేకర్స్ సన్నాహాలు చేస్తున్నారు.