డేంజర్ జోన్‌లో హైదరాబాద్.. ఐఐటీ కాన్పూర్ స్టడీలో షాకింగ్ ఫ్యాక్ట్స్...

హైదరాబాద్‌ గాలి ఇప్పుడు మౌన హంతకంగా మారుతోంది. కనిపించదు, వాసన ఉండదు, కానీ ప్రతి ఊపిరితో శరీరంలోకి ప్రవేశించే సల్ఫర్ డయాక్సైడ్ (SO₂) నెమ్మదిగా ప్రాణాలను హరించే విషంగా మారుతోంది. తాజా శాస్త్రీయ అధ్యయనం ప్రకారం, హైదరాబాద్‌ చుట్టూ ఉన్న ఔటర్ రింగ్ రోడ్ ప్రాంతాలు ఈ ప్రమాదకర కాలుష్యానికి కేంద్రాలుగా మారాయి. అభివృద్ధి పేరుతో పెరుగుతున్న వాహనాలు, పరిశ్రమలు మన ఊపిరినే లక్ష్యంగా చేసుకున్నాయి.

తెలంగాణ కాలుష్య నియంత్రణ మండలి ఆదేశాలపై IIT కాన్పూర్ చేసిన అధ్యయనం సంచలన నిజాలను వెలుగులోకి తీసుకొచ్చింది. ORR పరిధిలో రోజుకు సగటున 18,101 కిలోల SO₂, గ్రేటర్ హైదరాబాద్‌లో 10,701 కిలోల SO₂ విడుదలవుతోంది. GHMC పరిధిలో విడుదలయ్యే SO₂ లో 91 శాతం వాహనాల నుంచే, ORR ప్రాంతాల్లో మాత్రం 92 శాతం పరిశ్రమల నుంచే వస్తోంది. దీర్ఘకాలిక ప్రభావంతో ఊపిరితిత్తులు దెబ్బతినడం, ఆస్థమా తీవ్రత పెరగడం వంటి ప్రమాదాలు పెరుగుతున్నాయి. ప్రభుత్వం ఎయిర్ క్వాలిటీ డ్యాష్‌బోర్డులు, కొత్త మానిటరింగ్ స్టేషన్లు ఏర్పాటు చేస్తున్నప్పటికీ—ఈ గణాంకాలు నిజంగా మన ఊపిరిని కాపాడగలవా అనే ప్రశ్న మాత్రం మిగిలే ఉంది.