ఒడిశా లో 187 హోంగార్డ్ పోస్టుల భర్తీ కి 8 వేల మంది అప్లై

ఒడిశాలోని సంబల్పూర్ జిల్లాలో నిర్వహించిన హోంగార్డ్ పరీక్షకు అపూర్వ స్పందన లభించింది. కేవలం 187 హోంగార్డ్ పోస్టుల కోసం ఏకంగా 8,000 మంది అభ్యర్థులు పరీక్ష రాయడానికి హాజరయ్యారు. అభ్యర్థుల సంఖ్య అధికంగా ఉండటంతో, వారిని జమదర్పాలి ఎయిర్‌స్ట్రిప్పై కూర్చోబెట్టి పరీక్ష నిర్వహించాల్సి వచ్చింది.

ఈ పోస్టులకు కనీస అర్హత ఐదవ తరగతి ఉత్తీర్ణత అయినప్పటికీ, గ్రాడ్యుయేట్లు, పోస్ట్‌గ్రాడ్యుయేట్లు కూడా పెద్ద సంఖ్యలో పోటీపడటం గమనార్హం. తెల్లవారుజాము నుంచే అభ్యర్థులు పరీక్ష కేంద్రానికి చేరుకోవడంతో పరిస్థితి కాస్త గందరగోళంగా మారింది.

అభ్యర్థుల సంఖ్య అనూహ్యంగా పెరగడంతో అధికారులకు భద్రత, కూర్చోబెట్టే ఏర్పాట్లు, క్రమశిక్షణ వంటి అంశాల్లో అనేక లాజిస్టికల్ సవాళ్లు ఎదురయ్యాయి. అయినప్పటికీ, అధికారులు పరీక్షను ప్రశాంతంగా నిర్వహించారు.