రెండు రోజులు ఏపి కి భారీ వర్షాలు..

రెండు రోజులుగా ఆంధ్రప్రదేశ్ రాష్ట్రంలో భారీ వర్షాలు కురుస్తున్నాయి. బంగాళాఖాతంలో బలహీనపడిన తీవ్ర వాయుగుండం కారణంగా నెల్లూరు, తిరుపతి ప్రాంతాల్లో కురిసే వర్షాల తీవ్రత ఎక్కువగా ఉండబోతుంది. తీరం వెంబడి బలమైన ఈదురుగాలులు కొనసాగుతున్నాయి. మత్స్యకారులు సముద్రంలో వేటకు వెళ్ళవద్దని అధికారులు హెచ్చరించారు. దక్షిణ కోస్తా పోర్ట్‌లలో మూడో నెంబర్ హెచ్చరిక, ఉత్తర కోస్తా పోర్ట్‌లలో ఒకటో నెంబర్ హెచ్చరిక, కాకినాడలో రెండో ప్రమాద హెచ్చరిక జారీ అయ్యాయి. తిరుమలలోనూ భారీ వర్షాలు కురుస్తున్నాయి.

తీవ్ర వాయుగుండం దిత్వా తుఫాన్ గా మారింది. దాని ప్రభావంతో తిరుమలలో కుండపోత వర్షాలు కురిసినట్లు సమాచారం. ఘాట్ రోడ్‌లో కొండచరియలు విరిగిపోయి, శ్రీవారి పాదాలు మరియు పాపనాశనం మార్గాలను అధికారులు మూసివేశారు. వాతావరణ శాఖ వెల్లడించినట్లుగా, నెల్లూరు, తిరుపతి జిల్లాల్లో ఈ రెండు రోజులలో మరిన్ని భారీ వర్షాలు కురిసే అవకాశం ఉంది. చెన్నైకి చేరువగా కూడా తీవ్ర వాయుగుండం కొనసాగుతోంది.