స్నాప్‌చాట్‌లో భారీ లేఆఫ్స్

టెక్ రంగంలో కొనసాగుతున్న లేఆఫ్స్ ట్రెండ్ మధ్య, స్నాప్‌చాట్ సంస్థ కూడా ఉద్యోగాల కోతలకు దిగింది. ఖర్చులను నియంత్రించేందుకు స్నాప్ ఇంక్ సుమారు 16 శాతం ఉద్యోగులను తగ్గించాలని నిర్ణయం తీసుకుంది. ఈ చర్య వల్ల దాదాపు 1,000 మంది ఉద్యోగులు ప్రభావితమవుతారు. ఇటీవల ఒరాకిల్ వంటి పెద్ద సంస్థలు తీసుకున్న నిర్ణయాల తరహాలోనే స్నాప్ కూడా ఇదే దారిలో నడుస్తోంది. కంపెనీ ఆర్థిక పరిస్థితులను మెరుగుపర్చేందుకు ఈ నిర్ణయం తీసుకున్నట్లు సమాచారం. ప్రధానంగా యాడ్స్ ద్వారా వచ్చే ఆదాయం తగ్గడం, అలాగే ఇన్వెస్టర్ల ఒత్తిడి పెరగడం ఈ నిర్ణయానికి కారణాలుగా భావిస్తున్నారు. డిజిటల్ యాడ్ మార్కెట్‌లో వచ్చిన మార్పులు కంపెనీపై ప్రభావం చూపుతున్నాయి.

ఈ పరిణామంతో టెక్ రంగంలో ఉద్యోగ భద్రత పై మళ్లీ చర్చలు ప్రారంభమయ్యాయి. కంపెనీలు ఖర్చులను తగ్గించేందుకు కఠిన నిర్ణయాలు తీసుకుంటున్నాయి.