హైదరాబాద్‌లో పలు ప్రాంతాల్లో భారీ వడగళ్ల వాన

హైదరాబాద్‌లోని పలు ప్రాంతాల్లో భారీ వర్షం కురిసింది. నగరంలోని జూబ్లీహిల్స్, బంజారాహిల్స్, ఫిల్మ్‌నగర్, కూకట్‌పల్లి, మియాపూర్, చందానగర్ ప్రాంతాల్లో కుండపోత వర్షం పడింది. అకస్మాత్తుగా వచ్చిన ఈ వర్షంతో కొన్ని ప్రాంతాల్లో రోడ్లపై నీరు నిలిచింది.

అదే సమయంలో కుత్బుల్లాపూర్, జీడిమెట్ల, షాపూర్, చింతల్ ప్రాంతాల్లో కూడా భారీ వర్షం నమోదైంది. మరోవైపు మణికొండ, గచ్చిబౌలి, కొంపల్లి ప్రాంతాల్లో వడగళ్ల వాన కురిసింది. దీంతో కొన్ని చోట్ల ట్రాఫిక్‌కు అంతరాయం ఏర్పడింది.

వర్షం తగ్గే వరకు కొంతమంది వాహనదారులు తమ వాహనాలను మెట్రో పిల్లర్ల కింద ఆపి కాసేపు వేచి ఉండడం కనిపించింది. ఈ వర్షం వేడిని తగ్గించినప్పటికీ, నగరంలో కొంతసేపు ట్రాఫిక్ సమస్యలు ఏర్పడ్డాయి.