టంబ్లర్ రిడ్జ్ సెకండరీ స్కూల్‌లో కాల్పులు

కెనడాలోని ఒక స్కూల్‌ కాల్పులు దేశాన్ని కలకలం రేపాయి. బ్రిటిష్ కొలంబియా రాష్ట్రం, టంబ్లర్ రిడ్జ్ సెకండరీ స్కూల్‌లో ఒక దుండగుడు కాల్పులు ప్రారంభించగా, 10 మంది ప్రాణాలు కోల్పోగా 25 మందికిపైగా తీవ్రంగా గాయపడ్డారు. అధికారులు తెలిపిన ప్రకారం, దుండగుడు తనను తాను కూడా గాయపరచుకుని ఆత్మహత్యకు పాల్పడ్డాడు.

స్థానిక సమయానికి మంగళవారం మధ్యాహ్నం 12:30 గంటల ఈ ఘటన చోటుచేసుకుంది. సమీపంలోని ఒక ఇంట్లో మరో ఇద్దరు వ్యక్తులు మరణించినట్లు గుర్తించబడ్డారు, వీరు కూడా స్కూల్‌ షూటింగ్‌కు సంబంధించి ప్రాణాలు కోల్పోయి ఉండవచ్చని భావిస్తున్నారు. పోలీసులు మరిన్ని గాయపడిన వ్యక్తులు ఉన్నారా అని తెలుసుకోవడానికి ప్రయత్నాలు చేస్తున్నారు. కాల్పుల ప్రాంతంలోని ఇళ్లలో సుదీర్ఘ తనిఖీలు చేపట్టబడ్డాయి. దుండగుడిని గుర్తించగా, అతని వివరాలు ఇంకా వెల్లడించబడలేదు.