చరిత్ర సృష్టించిన ఎలోన్ మస్క్.. $1 ట్రిలియన్ ప్యాకేజ్‌తో రికార్డు!

ప్రపంచ కుబేరుడు, టెస్లా సీఈఓ ఎలోన్ మస్క్ మరోసారి చరిత్ర సృష్టించారు. ఆయనకు $1 ట్రిలియన్ (రూ. 88 లక్షల కోట్లు) విలువైన ప్యాకేజ్‌ను ఆమోదిస్తూ 75% టెస్లా షేర్ హోల్డర్లు అంగీకారం తెలిపారు. దీంతో మస్క్, కార్పొరేట్ ప్రపంచంలో అత్యధిక పారితోషికం పొందిన CEOగా రికార్డు నెలకొల్పారు. అయితే ఈ మొత్తం ఆయనకు నెలవారీ జీతంగా కాకుండా, తదుపరి 10 ఏళ్లలో స్టాక్‌ల రూపంలో లభించనుంది. అంటే కంపెనీ ప్రదర్శనపై ఆధారపడి, దశల వారీగా ఈ షేర్లు ఆయనకు మంజూరు కానున్నాయి.

ప్రస్తుతం సుమారు $476 బిలియన్ నికర ఆస్తులతో, ఎలోన్ మస్క్ ప్రపంచంలోనే అత్యంత ధనవంతుడిగా కొనసాగుతున్నారు. టెస్లా, స్పేస్‌ఎక్స్ వంటి సంస్థలను నడిపిస్తున్న ఆయన ఇప్పుడు ఈ కొత్త రికార్డుతో మళ్లీ ప్రపంచ దృష్టిని ఆకర్షించారు.