తెలంగాణలో ఇంటర్ రీకౌంటింగ్, రీవెరిఫికేషన్‌కు తేదీలు ప్రకటింపు

తెలంగాణలో ఇంటర్ పరీక్షలకు సంబంధించిన రీ కౌంటింగ్ మరియు రీ వెరిఫికేషన్ ప్రక్రియకు తేదీలు ప్రకటించారు. విద్యార్థులు ఈ నెల 13 నుంచి 20 వరకు దరఖాస్తు చేసుకోవచ్చని ఇంటర్ బోర్డ్ అధికారులు తెలిపారు. ఫలితాలపై సందేహాలు ఉన్న విద్యార్థులకు ఇది మంచి అవకాశం కానుంది.

ఇంటర్ అడ్వాన్స్డ్ సప్లిమెంటరీ పరీక్షలు వచ్చే నెల 13 నుంచి ప్రారంభం కానున్నాయి. ఈ పరీక్షలకు సంబంధించిన ఫీజును ఈ నెల 13 నుంచి 20 వరకు చెల్లించవచ్చు. పరీక్షలు రెండు సెషన్లలో నిర్వహించబడతాయి. అలాగే ప్రాక్టికల్ పరీక్షలు వచ్చే నెల 22 నుంచి ప్రారంభమై, అవి కూడా రెండు సెషన్లలో నిర్వహించనున్నట్లు అధికారులు వెల్లడించారు.