ప్రధాని మోదీ ఎన్నిక రద్దు చేయాలని రాష్ట్రపతి, ఈసీకి ఫిర్యాదు

గత లోక్‌సభ ఎన్నికల్లో వారణాసి నుంచి గెలిచిన ప్రధాని నరేంద్ర మోదీ నామినేషన్‌ను తక్షణమే రద్దు చేయాలని యుగతులసి పార్టీ అధ్యక్షుడు, టీటీడీ బోర్డు మాజీ సభ్యుడు శివకుమార్ కొలిశెట్టి డిమాండ్ చేశారు. ఈ మేరకు రాష్ట్రపతి మరియు కేంద్ర ఎన్నికల సంఘానికి ఫిర్యాదు సమర్పించారు. నల్గొండ నియోజకవర్గానికి చెందిన అభ్యర్థి నాగ పుల్లారావు ఈడ తన అఫిడవిట్‌లో భాగం బి, కాలమ్ ఎనిమిదిలో వివరాలు ఖాళీగా వదిలిన కారణంగా ఆయన నామినేషన్‌ను తిరస్కరించిన విషయాన్ని గుర్తుచేశారు.

అదే విధంగా ప్రధాని మోదీ అఫిడవిట్‌లో కూడా భాగం బి, కాలమ్ ఎనిమిదిలో పలు వివరాలు ఖాళీగా ఉన్నప్పటికీ నామినేషన్‌ను ఆమోదించడం పక్షపాతానికి నిదర్శనమని ఆరోపించారు. మోదీ విషయంలో ఎన్నికల సంఘం నిబంధనలు ఉల్లంఘించిందని ఆయన పేర్కొన్నారు.