జూనియర్ లెక్చరర్ రాత పరీక్ష ఫలితాలు విడుదల

ఆంధ్రప్రదేశ్‌లో జూనియర్ లెక్చరర్ పోస్టుల కోసం నిర్వహించిన రాత పరీక్ష ఫలితాలను APPSC అధికారికంగా విడుదల చేసింది. పరీక్షలో అర్హత సాధించిన అభ్యర్థుల జాబితాను కమిషన్ ప్రకటించింది. అభ్యర్థులు తమ ఫలితాలను ఏపీపీఎస్సీ అధికారిక వెబ్‌సైట్ ద్వారా సులభంగా చూసుకోవచ్చు.

ఎంపికైన అభ్యర్థుల కోసం ధృవపత్రాల పరిశీలన ఈ నెల 16 మరియు 17 తేదీల్లో జరగనుంది. ధృవపత్రాల వెరిఫికేషన్‌కు సంబంధించి కాల్ లెటర్స్ అందనివారు, వాటిని అధికారిక వెబ్‌సైట్ నుంచి డౌన్‌లోడ్ చేసుకోవాలని కమిషన్ సూచించింది.

జూనియర్ లెక్చరర్ ఉద్యోగాల భర్తీ ప్రక్రియలో ఇది కీలక దశగా భావిస్తున్నారు.