ఢిల్లీ లో నేడు ఏఐ ఇంపాక్ట్ సదస్సు

దేశ రాజధాని ఢిల్లీలో నేడు ఏఐ ఇంపాక్ట్ సదస్సు ప్రారంభం కానుంది. ఈ సదస్సును ప్రధాని నరేంద్ర మోదీ అధికారికంగా ప్రారంభించనున్నారు. సదస్సులో పాల్గొనేందుకు 45 దేశాలకు చెందిన మంత్రుల బృందాలు ఇప్పటికే ఢిల్లీకి చేరుకున్నాయి. కృత్రిమ మేధస్సు ప్రభావం, భవిష్యత్ దిశలపై ఈ సదస్సులో కీలక చర్చలు జరగనున్నాయి.

ఈ సదస్సులో ఐక్యరాజ్యసమితి ప్రధాన కార్యదర్శి ఆంటోనియో గుటెరస్ తో పాటు పలు అంతర్జాతీయ సంస్థల అధినేతలు ముఖ్య ప్రసంగాలు చేయనున్నారు. ఐదు రోజుల పాటు 700 కుపైగా సెషన్లు నిర్వహించనుండగా, సుమారు 20 దేశాల అధినేతలు సదస్సుకు హాజరవుతారని అంచనా వేస్తున్నారు.