శోభన్ బాబు జీవితంలో ‘S’ అక్షరానికి ఇంత ప్రత్యేకతా?

తెలుగు సినీ దిగ్గజం శోభన్ బాబుకు ‘S’ అనే అక్షరంపై ప్రత్యేకమైన సెంటిమెంట్ ఉండేదనే ఆసక్తికర విషయం ఇప్పుడు చర్చనీయాంశంగా మారింది. ఆయన కుటుంబ సభ్యుల పేర్లను పరిశీలిస్తే ఈ విషయం మరింత ఆసక్తికరంగా కనిపిస్తుంది. శోభన్ బాబు మనవరాలి పేరు శోభన కాగా, మనవళ్ల పేర్లు సందేశ్, సంకల్ప్, సురక్షిత్, సుచరిత్, సౌగంధ్, సౌరభ్, శోభన్ సిద్ధార్థ్‌గా ఉన్నాయి. వీరిలో చాలామంది పేర్లు ‘S’ అక్షరంతోనే ప్రారంభమవుతుండటం గమనార్హం.

అంతేకాదు, శోభన్ బాబు తాతగారి పేరు శేషయ్య, తండ్రి పేరు సూర్యనారాయణ, తమ్ముడి పేరు సాంబశివరావు. ఆయన కుమారుడి పేరు కరుణ శేషు కాగా, ఇందులోనూ ‘S’ అక్షరం ఉండటం మరో ఆసక్తికర అంశం. అలాగే చెన్నైలో శోభన్ బాబు నిర్మించిన భవనాలకు పెట్టిన పేర్లు కూడా ‘S’ అక్షరంతో ప్రారంభమయ్యేవని చెబుతారు. కుటుంబ సభ్యుల పేర్ల నుంచి ఆయన నిర్మించిన భవనాల పేర్ల వరకు ‘S’ అక్షరానికి కనిపించే ఈ ప్రాధాన్యం శోభన్ బాబు జీవితంలోని ఓ ఆసక్తికరమైన అంశంగా నిలిచింది.