హృదయాలను తాకుతున్న ప్రేమకథ.. ‘రమణి కళ్యాణం’ ట్రైలర్‌కు ప్రశంసల వెల్లువ!

భారీ యాక్షన్ సినిమాల మధ్యలో ఒక సున్నితమైన భావోద్వేగ కథగా “రమణి కళ్యాణం” ప్రేక్షకుల దృష్టిని ఆకర్షిస్తోంది. ఇటీవల విడుదలైన ట్రైలర్ ఫ్యామిలీ ఆడియన్స్‌ను వెంటనే కనెక్ట్ చేసుకుంది. కైట్స్ క్రియేటివ్స్ బ్యానర్‌పై విజయ్ ఆదిరెడ్డి దర్శకత్వంలో రూపొందిన ఈ సినిమా స్వచ్ఛమైన ప్రేమ కథతో ప్రత్యేక గుర్తింపు తెచ్చుకుంటోంది.

కథలో కళ్లుచూసే శక్తి లేని ఆర్జే సంజన పాత్రలో దీప్షిక చంద్రన్, నడవలేని పరిస్థితిలో ఉన్న రాజ్ పాత్రలో సూర్య వశిష్ట నటించారు. జీవితంలో లోపాలు ఉన్న ఇద్దరు వ్యక్తులు ఒకరికొకరు ఎలా అండగా నిలుస్తారనే భావోద్వేగ ప్రయాణాన్ని ట్రైలర్ సహజంగా చూపించింది. ఇప్పటికే విడుదలైన టీజర్, టైటిల్ సాంగ్‌కు మంచి స్పందన రాగా, ఇప్పుడు ట్రైలర్ అంచనాలను మరింత పెంచింది. ఫ్యామిలీ ఆడియన్స్‌కు దగ్గరయ్యే ఎమోషనల్ ఫిల్మ్‌గా ఈ సినిమా నిలుస్తుందని సినీ వర్గాలు భావిస్తున్నాయి.