ఫస్ట్ వీకెండ్‌లోనే భారీ వసూళ్లు సాధించిన ‘విష్ణు విన్యాసం’!

శ్రీవిష్ణు ప్రధాన పాత్రలో వచ్చిన విష్ణు విన్యాసం బాక్సాఫీస్ వద్ద ఘనమైన ప్రారంభాన్ని నమోదు చేసింది. విడుదలైన తొలి వీకెండ్‌లో ప్రపంచవ్యాప్తంగా రూ.14.7 కోట్ల గ్రాస్ వసూళ్లు సాధించి మంచి కమర్షియల్ విజయంగా నిలుస్తోంది. మొదటి రెండు రోజుల్లో మంచి వృద్ధిని నమోదు చేసిన ఈ చిత్రం, మూడో రోజు ఒక్కరోజే రూ.5.6 కోట్ల గ్రాస్ సాధించడం విశేషం. సినిమా పట్ల పెరుగుతున్న పాజిటివ్ టాక్ ఈ వసూళ్లకు ప్రధాన కారణంగా నిలిచింది.

క్లీన్ కామెడీ, భావోద్వేగాలు, కుటుంబ ప్రేక్షకులను ఆకట్టుకునే కథాంశం సినిమాకు ప్రధాన బలం అయ్యాయి. యూత్‌తో పాటు ఫ్యామిలీ ఆడియన్స్ నుంచి మంచి స్పందన రావడంతో థియేటర్లలో ఆక్యుపెన్సీ పెరుగుతోంది. సోషల్ మీడియాలో పాజిటివ్ బజ్ కొనసాగుతుండగా, వీక్‌డేస్ అడ్వాన్స్ బుకింగ్స్ కూడా ఆశాజనకంగా ఉన్నాయి. యదునాథ్ మారుతి రావు దర్శకత్వంలో తెరకెక్కిన ఈ చిత్రాన్ని శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ నాయుడు జి, సుబ్రహ్మణ్యం నిర్మించగా, సినిమా బ్లాక్‌బస్టర్ దిశగా దూసుకెళ్తోంది.