నేడు తుఫాన్‌ ప్రభావిత ప్రాంతాల్లో చంద్రబాబు పర్యటన

మురసు తుఫాన్‌ ప్రభావిత ప్రాంతాల్లో ఆంధ్రప్రదేశ్‌ ముఖ్యమంత్రి చంద్రబాబు నాయుడు నేడు పర్యటించనున్నారు. తుఫాన్‌ కారణంగా జరిగిన నష్టాన్ని స్వయంగా పరిశీలించడంతో పాటు ప్రభావిత ప్రాంతాల పరిస్థితిని సమీక్షించనున్నారు. ప్రాథమిక అంచనాల ప్రకారం రాష్ట్రంలో తుఫాన్‌ వల్ల సుమారు రూ.1,918 కోట్ల నష్టం వాటిల్లింది. మొత్తం 59 మండలాలు, 649 గ్రామ పంచాయతీలపై తుఫాన్‌ ప్రభావం పడినట్లు అధికారులు గుర్తించారు.

తుఫాన్‌ కారణంగా జరిగిన నష్టంపై సమగ్ర నివేదిక రూపొందించి వీలైనంత త్వరగా కేంద్ర ప్రభుత్వానికి పంపాలని సీఎం చంద్రబాబు అధికారులను ఆదేశించారు. ప్రభావిత ప్రాంతాల్లో జరిగిన నష్టాన్ని పూర్తిస్థాయిలో అంచనా వేసి, వివరాలను నివేదికలో పొందుపరచాలని సూచించారు. నష్టానికి సంబంధించిన నివేదికను ఆలస్యం చేయకుండా కేంద్రానికి పంపేందుకు అవసరమైన చర్యలు చేపట్టాలని అధికారులకు స్పష్టం చేశారు.