వెంకటేష్‌ మహా ‘అట్టహాసం’ ఫస్ట్‌లుక్‌ విడుదల

‘రావు బహదూర్‌’ చిత్రంతో టాలీవుడ్‌లో తనకంటూ ప్రత్యేక గుర్తింపు తెచ్చుకున్న దర్శకుడు వెంకటేష్‌ మహా తన కొత్త సినిమాను ప్రకటించారు. ‘కంచరపాలెం’ నేపథ్యంలో తెరకెక్కుతున్న ఈ చిత్రానికి ‘అట్టహాసం’ అనే టైటిల్‌ను ఖరారు చేశారు. ఈ సందర్భంగా విడుదల చేసిన ఫస్ట్‌లుక్‌ పోస్టర్‌లో రెండు జంటలను విభిన్నంగా చూపించారు. సహజమైన, స్థానిక నేటివిటీతో కూడిన వినోదాత్మక చిత్రంగా రూపొందుతున్న ఈ సినిమా నవ్వులు పంచేలా ఉంటుందని చిత్రబృందం చెబుతోంది. ఈ చిత్రం 2027 వేసవిలో ప్రేక్షకుల ముందుకు రానుంది.

ఈ సినిమాలో వెంకటేష్‌ మహా స్వయంగా ఓ కీలక పాత్రలో నటిస్తున్నారు. ఇన్‌స్టాగ్రామ్‌ సృష్టికర్త శ్రావంతి పీపకాయల, కార్తిక్‌ రత్నం, ‘పుష్ప 2’ ఫేమ్‌ పవని కరణం ఇతర ముఖ్య పాత్రల్లో కనిపించనున్నారు. శ్రీ చక్రాస్‌ ఎంటర్‌టైన్‌మెంట్స్‌ బ్యానర్‌పై చింత గోపాలకృష్ణారెడ్డి, రాజశేఖర్‌రెడ్డి చింత ఈ చిత్రాన్ని నిర్మిస్తున్నారు. స్మరణ్‌ సాయి సంగీతం అందిస్తున్నారు.