

రష్మిక ప్రధాన పాత్రలో రవీంద్ర పుల్లె దర్శకత్వంలో తెరకెక్కుతున్న యాక్షన్ థ్రిల్లర్ ‘మైసా’ విడుదల వాయిదా పడింది. ఈ సినిమా నవంబర్ 27న ప్రేక్షకుల ముందుకు రావాల్సి ఉండగా, విడుదలను వాయిదా వేస్తున్నట్లు చిత్ర బృందం తాజాగా ప్రకటించింది. ఈ మేరకు సోషల్ మీడియా వేదికగా పోస్ట్ పెట్టింది. అన్ ఫార్ములా ఫిల్మ్స్ బ్యానర్పై అజయ్, అనిల్ సయ్యపురెడ్డి ఈ చిత్రాన్ని సంయుక్తంగా నిర్మిస్తున్నారు. కొత్త విడుదల తేదీని త్వరలోనే వెల్లడిస్తామని మేకర్స్ తెలిపారు.
ప్రేక్షకులకు అత్యుత్తమ థియేట్రికల్ అనుభూతిని అందించాలనే లక్ష్యంతో ‘మైసా’ను భారీ యాక్షన్ చిత్రంగా రూపొందిస్తున్నామని చిత్ర బృందం పేర్కొంది. సినిమా అనుకున్న స్థాయిలో ప్రేక్షకుల ముందుకు రావాలనే ఉద్దేశంతో ఎలాంటి రాజీ పడకుండా విడుదలను వాయిదా వేయాలని నిర్ణయించినట్లు వెల్లడించింది. తమపై ప్రేక్షకులు చూపిస్తున్న ప్రేమ, మద్దతుకు కృతజ్ఞతలు తెలిపిన మేకర్స్.. సినిమా కోసం అభిమానులు ఎక్కువ రోజులు వేచి చూడాల్సిన అవసరం ఉండదని హామీ ఇచ్చారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!