

యువ కథానాయకుడు నితిన్ హీరోగా మురళీకాంత్ దేవసోత్ దర్శకత్వంలో తెరకెక్కుతున్న చిత్రం ‘అలియాస్ రుక్మిణీ’. నాని సమర్పణలో ఆయన సోదరి దీప్తి గంటా ఈ చిత్రాన్ని నిర్మిస్తున్నారు. డిసెంబర్ 4న ఈ సినిమా ప్రేక్షకుల ముందుకు రానుంది. ప్రస్తుతం చిత్ర బృందం ప్రచార కార్యక్రమాల్లో బిజీగా ఉంది. ఇందులో భాగంగా నానితో కలిసి ప్రత్యేకంగా జామ్ పార్టీ నిర్వహించారు. ఈ కార్యక్రమంలో నాని, నితిన్ కలిసి ‘రుక్కు రుక్కు రుక్మిణి.. ఒప్పేసుకో మారాణి..’ పాటకు స్టెప్పులేసి సందడి చేశారు. వీరిద్దరి డ్యాన్స్ అభిమానులను ఆకట్టుకుంది.
ఈ సందర్భంగా నాని తన సినీ ప్రయాణం ప్రారంభ రోజులను గుర్తుచేసుకున్నారు. గతంలో నితిన్ హీరోగా నటించిన ‘అల్లరి బుల్లోడు’ సినిమాకు తాను అసిస్టెంట్ డైరెక్టర్గా పనిచేసిన విషయాన్ని వెల్లడించారు. ఈ క్రమంలో నితిన్తో తనకున్న అనుబంధాన్ని సరదాగా ప్రస్తావిస్తూ.. ‘‘నా ఆరంభంలో ఒక పేజీ నీది.. నీ పునః ప్రారంభంలో ఒక పేజీ నాది’’ అంటూ వ్యాఖ్యానించారు. నాని చేసిన ఈ సరదా వ్యాఖ్యలు జామ్ పార్టీలో ప్రత్యేక ఆకర్షణగా నిలిచాయి. ఇద్దరు హీరోల మధ్య ఉన్న స్నేహం, గత అనుబంధం ఈ కార్యక్రమంలో మరోసారి స్పష్టమయ్యాయి.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!