చివరి దశలో ‘లెనిన్’… క్లైమాక్స్ సాంగ్‌పై భారీ ప్లాన్?

యువ హీరో అఖిల్ అక్కినేని నటిస్తున్న ‘లెనిన్’ సినిమా ప్రస్తుతం చివరి దశకు చేరుకుంది. దర్శకుడు మురళి కిషోర్ అబ్బురు ఈ చిత్రాన్ని రూపొందిస్తున్నారు. షూటింగ్ దాదాపు పూర్తయ్యగా, ఇంకా ఒక పాట మాత్రమే మిగిలి ఉంది. ఆ పాట కోసం అన్నపూర్ణ స్టూడియోస్లో భారీ సెట్ నిర్మించి గ్రాండ్‌గా చిత్రీకరించనున్నట్లు సమాచారం. ఈ పాటలో మరో హీరోయిన్ కనిపించే అవకాశం ఉందని టాక్ వినిపిస్తోంది.

రాయలసీమ నేపథ్యంలో సాగే ఈ చిత్రం సంస్కృతి, భావోద్వేగాలు, ప్రేమ కథల సమ్మేళనంగా రూపొందుతోంది. హీరోయిన్‌గా భాగ్యశ్రీ బోర్సే నటిస్తుండగా, అఖిల్‌తో ఆమె కెమిస్ట్రీ సినిమాకు హైలైట్‌గా నిలవనుంది. ఇప్పటివరకు సరైన హిట్ కోసం ఎదురు చూస్తున్న అఖిల్‌కు ఈ సినిమా ఎంతో కీలకం. చివరి పాట షూట్ పూర్తయ్యాక పోస్ట్ ప్రొడక్షన్ పనులు వేగవంతం కానున్నాయి. మొత్తంగా ‘లెనిన్’ అఖిల్ కెరీర్‌లో టర్నింగ్ పాయింట్ అవుతుందా అన్నది ఆసక్తికరంగా మారింది.