రామాయణ మూవీపై భాషా వివాదం.. మరాఠీ వెర్షన్ విడుదల చేయాలని ఎన్సీపీ డిమాండ్

రణబీర్ కపూర్ ప్రధాన పాత్రలో నటించిన ‘రామాయణ’ సినిమాపై భాషా వివాదం తెరపైకి వచ్చింది. ఈ చిత్రాన్ని హిందీ, తెలుగు, తమిళం, కన్నడ, మలయాళ భాషల్లో విడుదల చేసినప్పటికీ.. మరాఠీ వెర్షన్‌ను అందుబాటులోకి తీసుకురాకపోవడంపై ఎన్సీపీ నేత బాబాసాహెబ్ పాటిల్ అభ్యంతరం వ్యక్తం చేశారు. మరాఠీకి శాస్త్రీయ భాష హోదా ఉన్న నేపథ్యంలో ఆ భాషను విస్మరించడం సరికాదని ఆయన పేర్కొన్నారు.

మహారాష్ట్రలో ఈ సినిమాకు భారీ మార్కెట్ అవకాశం ఉన్నప్పటికీ మరాఠీ భాషలో విడుదల చేయకపోవడం పట్ల ఆయన అసంతృప్తి వ్యక్తం చేశారు. వెంటనే మరాఠీ డబ్బింగ్ వెర్షన్‌ను తీసుకురావాలని కోరుతూ చిత్ర నిర్మాతలకు లేఖ రాశారు. మరాఠీ ప్రేక్షకుల అభిరుచులు, భాషా ప్రాధాన్యతను దృష్టిలో ఉంచుకుని తగిన చర్యలు తీసుకోవాలని ఆయన విజ్ఞప్తి చేశారు.