రామాయణం రెండో భాగంలో కీలక మార్పులు?

భారీ అంచనాలతో విడుదలైన రామాయణం ప్రపంచవ్యాప్తంగా మంచి వసూళ్లను సాధిస్తోంది. అయితే మొదటి భాగంలోని కొన్ని పాత్రల చిత్రణపై విమర్శలు రావడంతో రెండో భాగం విషయంలో మేకర్స్ ప్రత్యేక దృష్టి పెట్టినట్లు తెలుస్తోంది. ముఖ్యంగా కొన్ని సన్నివేశాలను మరోసారి చిత్రీకరించబోతున్నారనే వార్తలు బాలీవుడ్‌లో ఆసక్తిని పెంచుతున్నాయి. కథలో అవసరమైన మార్పులు చేసి ప్రేక్షకులకు మరింత మెరుగైన అనుభూతిని అందించాలనే ఆలోచనలో చిత్ర బృందం ఉన్నట్లు ప్రచారం జరుగుతోంది.

రామాయణ రెండో భాగం చిత్రీకరణ ఇప్పటికే సగానికి పైగా పూర్తయినట్లు సమాచారం. తొలుత 2027 దీపావళికి విడుదల చేయాలనుకున్న ఈ చిత్రాన్ని 2028 దీపావళికి వాయిదా వేశారు. రావణుడి పాత్రకు ఎక్కువ ప్రాధాన్యత ఇచ్చారనే విమర్శల నేపథ్యంలో కొన్ని సన్నివేశాల్లో మార్పులు చేయనున్నారట. ముఖ్యంగా రామ రావణ యుద్ధం, హనుమాన్ పాత్ర ఈ భాగంలో ప్రధాన ఆకర్షణగా నిలవనున్నాయి. భారీ స్థాయిలో విజువల్ ఎఫెక్ట్స్ రూపొందించాల్సి ఉండటంతో నిర్మాణానికి మరింత సమయం పట్టే అవకాశముంది.