జూనియర్ ఎన్టీఆర్ ‘గాడ్ ఆఫ్ వార్’కు కొత్త సంగీత దర్శకుడు?

ప్రస్తుతం మ్యాన్ ఆఫ్ మాసెస్ జూనియర్ ఎన్టీఆర్ డ్రాగన్ సినిమాలో నటిస్తున్నారు. భారీ అంచనాలతో రూపొందుతున్న ఈ సినిమా కోసం అభిమానులు ఆసక్తిగా ఎదురుచూస్తున్నారు. ఈ ప్రాజెక్ట్ తర్వాత ఎన్టీఆర్ దర్శకుడు త్రివిక్రమ్ శ్రీనివాస్‌తో కలిసి మరో భారీ చిత్రంలో నటించనున్నారు. అదే గాడ్ ఆఫ్ వార్. ఈ సినిమాను భారీ స్థాయిలో, అద్భుతమైన విజువల్స్‌తో ప్రేక్షకులకు కొత్త అనుభూతిని అందించేలా రూపొందించాలని ప్లాన్ చేస్తున్నట్లు సమాచారం. తాజాగా ఈ సినిమా సంగీత దర్శకుడి ఎంపికపై టాలీవుడ్‌లో చర్చ మొదలైంది.

గాడ్ ఆఫ్ వార్ కోసం త్రివిక్రమ్ తన అభిరుచికి, సినిమా స్థాయికి సరిపోయే కొత్త సంగీత దర్శకుడి కోసం వెతుకుతున్నట్లు టాక్ వినిపిస్తోంది. ఆదర్శ కుటుంబం సినిమాకు తొలుత సంగీత దర్శకుడిని మార్చినప్పటికీ, చివరకు థమన్‌నే కొనసాగించారు. అయితే గాడ్ ఆఫ్ వార్ విషయంలో మాత్రం కొత్త సంగీత దర్శకుడికి అవకాశం ఉండవచ్చని తెలుస్తోంది. ఈ క్రమంలో అనిరుధ్ రవిచందర్, సాయి అభ్యంకర్ పేర్లు వినిపిస్తున్నాయి. వీరిలో ఎవరికైనా అవకాశం దక్కుతుందా? లేక తెలుగు నుంచే మరో ప్రతిభావంతమైన సంగీత దర్శకుడిని ఎంపిక చేస్తారా? అనేది తెలియాలంటే అధికారిక ప్రకటన వచ్చే వరకు వేచి చూడాలి.