

దర్శకధీరుడు రాజమౌళి తెరకెక్కిస్తున్న వారణాసి సినిమాపై ప్రపంచవ్యాప్తంగా ఆసక్తి పెరుగుతోంది. ఇప్పటికే భారీ స్థాయిలో ప్రచారంలో ఉన్న ఈ చిత్రం బాక్సాఫీస్ లక్ష్యం గురించి వినిపిస్తున్న అంచనాలు ఇప్పుడు అందరి దృష్టిని ఆకర్షిస్తున్నాయి. ఈ సినిమా ప్రపంచవ్యాప్తంగా దాదాపు రూ.3000 కోట్ల వసూళ్లు సాధించాలనే లక్ష్యంతో రూపొందుతోందని సినీ వర్గాల్లో ప్రచారం జరుగుతోంది. సుమారు రూ.1400 కోట్ల భారీ బడ్జెట్తో నిర్మిస్తున్నట్లు సమాచారం రావడంతో ఈ లెక్కలపై చర్చ మొదలైంది.
ఇంతటి పెట్టుబడిని తిరిగి రాబట్టుకోవడంతో పాటు లాభాలు అందుకోవాలంటే అంతర్జాతీయ మార్కెట్లోనూ సినిమా మంచి వసూళ్లు సాధించాల్సి ఉంటుంది. మరోవైపు రామాయణం మొదటి భాగం రూ.2000 కోట్ల వసూళ్ల దిశగా సాగుతోందనే ప్రచారం కూడా వినిపిస్తోంది. అయితే ఆ చిత్రం రెండు భాగాలుగా రూపొందుతుండటంతో మొత్తం వసూళ్ల ద్వారా పెట్టుబడిని రాబట్టుకునే అవకాశం ఉంటుందని విశ్లేషిస్తున్నారు. ఈ నేపథ్యంలో వారణాసి ఫలితంపై ప్రత్యేక ఆసక్తి నెలకొంది. రాజమౌళి కథనం, భారీ నిర్మాణ విలువలు ప్రపంచ ప్రేక్షకులను ఎంతవరకు ఆకట్టుకుంటాయో చూడాలి.

















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!