

నాగచైతన్య కథానాయకుడిగా, కార్తీక్ దండు దర్శకత్వంలో తెరకెక్కుతున్న చిత్రం ‘వృషకర్మ’ డిసెంబరు 4న ప్రేక్షకుల ముందుకు రానుంది. ఈ నేపథ్యంలో ఓ ఇంటర్వ్యూలో పాల్గొన్న నాగచైతన్య తన కెరీర్, వ్యక్తిగత జీవితం, కుటుంబం గురించి ఆసక్తికర విషయాలను పంచుకున్నారు. సినీ నేపథ్యం ఉన్న కుటుంబం నుంచి రావడం వల్ల ప్రారంభంలో మంచి అవకాశం లభించినా, పరిశ్రమలో నిలదొక్కుకోవడానికి ప్రతిభ, కష్టమే ముఖ్యమని అన్నారు. ఫేక్ పీఆర్, మార్కెటింగ్ ఎక్కువ కాలం పనిచేయవని, సినిమాకు ప్రేక్షకుల నుంచి వచ్చే మౌత్ టాక్ మాత్రమే అసలైన బలమని పేర్కొన్నారు. ఇండస్ట్రీలోకి వచ్చి 16 ఏళ్లు పూర్తయినా నటుడిగా ఇంకా ఎన్నో సాధించాలనే తపన ఉందని, ఎలాంటి పాత్రనైనా చేయగలడనే నమ్మకం ప్రేక్షకుల్లో కలిగించాలని ఉందని చెప్పారు. అనుకున్నట్లు పరిస్థితులు లేకపోయినా వాటిని చక్కదిద్దుతూ ముందుకు వెళ్లే గుణం శోభితలో తనకు బాగా నచ్చుతుందని, తన ఫ్యాషన్, వార్డ్రోబ్లో వచ్చిన మార్పులకు ఆమెనే కారణమని తెలిపారు.
ప్రేమ గురించి మాట్లాడుతూ.. దాన్ని పూర్తిగా అర్థం చేసుకోలేమని, అందుకే అదొక అందమైన అనుభూతిగా మిగిలిపోతుందని నాగచైతన్య అన్నారు. టీనేజ్లో ప్రేమను ఒత్తిడిగా భావించకుండా ఆస్వాదించాలని, తప్పుల నుంచి పాఠాలు నేర్చుకోవాలని యువతకు సూచించారు. తాతయ్య రామానాయుడు నిర్మాణంలో ఒక్క సినిమా కూడా చేయలేకపోయానన్న వెలితి ఉందని, ప్రస్తుతం తాను చేస్తున్న సినిమాలను ఆయన చూడగలిగితే బాగుండేదని భావోద్వేగంగా చెప్పారు. ఏఎన్నార్తో కలిసి నటించడం మరచిపోలేని అనుభూతి అని, అఖిల్తో తన అనుబంధం అన్నదమ్ముల కంటే స్నేహితుల్లాంటిదని పేర్కొన్నారు. ‘వృషకర్మ’ అద్భుతమైన థ్రిల్లర్గా ఉండబోతోందని, దాదాపు ప్రతి ఫ్రేమ్లోనూ వీఎఫ్ఎక్స్ ఉంటాయని, జెన్ జీ ప్రేక్షకులను ఆకట్టుకుంటుందని ధీమా వ్యక్తం చేశారు. భవిష్యత్తులో సందీప్ రెడ్డి వంగా దర్శకత్వంలో నటించాలని, తన సినీ ప్రయాణం ముగిసేలోపు హాలీవుడ్ దర్శకుడు క్రిస్టఫర్ నోలన్తో పనిచేయాలన్నది తన కల అని వెల్లడించారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!