పంత్ బహుమతిపై యువరాజ్ రియాక్షన్ వైరల్

టీమిండియా మాజీ ఆల్‌రౌండర్ యువరాజ్ సింగ్‌కు రిషభ్ పంత్ కృతజ్ఞత సూచకంగా ఖరీదైన గోల్ఫ్ క్లబ్ బహుమతిగా పంపాడు. ఆ గిఫ్ట్‌ను అన్‌బాక్స్ చేసిన వీడియోను యువరాజ్ సోషల్ మీడియాలో పంచుకున్నాడు. అందులో పంత్ రాసిన హృదయపూర్వక నోట్ కూడా కనిపించింది.

అన్‌బాక్సింగ్ తర్వాత యువరాజ్ గోల్ఫ్ క్లబ్‌తో కొన్ని షాడో స్వింగ్స్ కూడా ప్రయత్నించాడు. తన శిష్యులను ఉద్దేశించి సరదాగా చేసిన వ్యాఖ్యలు సోషల్ మీడియాలో వైరల్‌గా మారాయి. పంత్ చేసిన బహుమతిని చూసి యువరాజ్ ఆనందం వ్యక్తం చేశాడు.